ٹائیگر فورس کا ٹیسٹ رن مکمل، آج سے ٹائیگر فورس متحرک

وزیراعظم کی ہدایت پر کرونا سے نمٹنے کیلئے ٹائیگرفورس متحرک ہوگئی، ٹائیگر فورس کا ٹیسٹ رن مکمل ہوگیا ہے، وزیراعلیٰ پنجاب عثمان بزدار نے سیالکوٹ میں افتتاح کر دیا ہے۔ عثمان بزدار نے فورس کے جوانوں سے ملاقات کی۔

وزیر اعلی کو بریفنگ میں بتایا گیا کہ ابتدائی طور پر سیالکوٹ میں نوجوانوں کو ذمہ داریاں سونپی گئیں، نوجوانوں کو مساجد اور یوٹیلیٹی اسٹورز کے باہر تعینات کیا گیا ہے، رضاکاروں پر مشتمل فورس کو ضلعی انتظامیہ اور مقامی پولیس کا تعاون بھی حاصل ہے،

سیالکوٹ سے بیس ہزار سے زائد نوجوان ٹائیگر فورس کا حصہ بنے ہیں۔ طالب علم، سوشل ورکرز، اساتذہ، انجینیرز اور ڈاکرز شامل ہے،صحافی، قانون دان، میڈیکل ورکرز اور این جی اوز سے وابسطہ افراد نے بھی رجسٹریشن کرائی ہے۔

بریفنگ میں بتایا گیا کہ مساجد اور یوٹیلیٹی اسٹورز میں سوشل ڈسٹنسنگ اور حکومتی گائیڈ لائینز کو یقینی بنایا جارہاہے, یوٹیلیٹی اسٹورز میں مطلوبہ سامان میسر نہ ہونے پر ضلعی انتظامیہ کو شکایت کی جاسکے گی۔

وزیراعلی پنجاب کے معاون خصوصی عثمان ڈار نے کہا کہ ٹائیگر فورس کی سافٹ لانچنگ کا تجربہ کامیاب رہا ہے،ٹائیگر فورس آج سے آپریشنل ہوگی ، مرحلہ وار ملک بھر کے نوجوانوں کو مکمل طور پر متحرک کیا جائے گا۔

وزیرِ اعظم نے کرونا وائرس کے باعث لاک ڈاؤن سے متاثرہ غریب خاندانوں کو گھر پر کھانا پہنچانے اور اس وائرس کو کنٹرول کرنے کیلئے رضاکاروں پر مشتمل کرونا ریلیف ٹائیگر فورس بنانے کا اعلان کیا تھا۔