سماجی رابطے کی اہم ویب سائٹ واٹس ایپ کے میسجز آئی او ایس اور اینڈرائیڈ پر کس طرح شیڈول کر کے بھیجے جا سکتے ہیں؟ اس سلسلے میں مندرجہ ذیل طریقے کارآمد ہیں۔
واٹس ایپ فوری طور پر پیغامات کی ترسیل کرنے والا دنیا بھر میں نہایت مقبول پلیٹ فارم ہے، جسے 2 ارب لوگ استعمال کر رہے ہیں، اس کے چند نہایت مفید اور مؤثر فیچرز ہیں، جن میں گروپ کالز، ڈیلیٹ سب کے لیے، لاسٹ سین، اور مزید کئی فیچرز شامل ہیں۔
تاہم ایک فیچر ایسا ہے جو ابھی تک واٹس ایپ پر نہیں آیا، یہ فیچر ہے میسج شیڈول کرنے کا، ایسی کوئی رپورٹ بھی تاحال سامنے نہیں آئی کہ کمپنی اس فیچر پر کوئی کام کر رہی ہو اور جلد یہ لانچ ہونے والا ہو، بہرحال، چند طریقے ایسے ہیں پر عمل کرتے ہوئے آپ واٹس ایپ میسجز شیڈول کر سکتے ہیں۔ یہ طریقے اینڈرائیڈ اور iOS دونوں یوزرز کے لیے ہیں۔
اینڈرائیڈ پر کیسے میسج شیڈول کریں؟
نوٹ: اینڈرائیڈ پر یہ طریقہ آزمانے کے لیے آپ کو ایک تھرڈ پارٹی ایپ ڈاؤن لوڈ کرنا پڑے گا جو آپ کے واٹس ایپ اکاؤنٹ تک رسائی مانگے گا، چناں چہ اگر آپ اپنی پرائیویسی کے بارے میں فکرمند ہیں اور کسی تھرڈ پارٹی ایپ کو رسائی دینا نہیں چاہتے تو آپ کو تب تک انتظار کرنا پڑے گا جب تک واٹس ایپ خود آفیشلی یہ فیچر لانچ نہ کر دے، باقی کے لیے طریقہ کار مندرجہ ذیل ہے:
گوگل پلے اسٹور سے SKEDit ایپ ڈاؤن لوڈ کریں، پھر اسے کھولیں اور اپنا اکاؤنٹ بنائیں۔
سائن اِن کرنے کے بعد فہرست سے واٹس ایپ سلیکٹ کریں اور ایک بار پھر واٹس ایپ پر کلک کریں، اب آپ کو اسے اپنے فون سروس کی رسائی کی اجازت دینی ہوگی۔
اس کے بعد ایپ کی طرف واپس لوٹ جائیں اور جس کو پیغام بھیجنا چاہ رہے ہوں اس کا نام لکھیں، پھر اپنا پیغام لکھیں، اور آخر میں شیڈول تاریخ اور وقت درج کر دیں۔
آخری ٹوگل جو آپ دیکھیں گے وہ ہے ‘بھیجنے سے قبل مجھ سے پوچھ لیں’ آپ اسے آن کر سکتے ہیں، جس پر یہ ایپ آپ کو مقررہ وقت پر میسج بھیجتے وقت مطلع کر دے گا،یا پھر آپ اسے آف کر دیں، اور آپ کا میسج وقت پر چلا جائے گا۔
iOS پر کیسے میسج شیڈول کریں؟
نوٹ: آئی او ایس پر واٹس ایپ میسج شیڈول کرنے کے لیے کسی تھرڈ پارٹی ایپ کی ضرورت نہیں پڑتی، اس کے لیے بس آپ کو Siri شارٹ کٹس استعمال کرنے کی ضرورت ہوگی۔ اس کا طریقہ کار مندرجہ ذیل ہے:
ایپل ایپ اسٹور سے Shortcuts ایپ ڈاؤن لوڈ کریں، ایپ کے اندر سب سے نیچے موجود آٹومیشن آپشن کو سیلیکٹ کریں۔
پرسنل آٹومیشن شامل کرنے کے لیے سب سے اوپر دائیں طرف ‘+’ کے نشان کو دبائیں، اور پرسنل آٹومیشن آپشن کو سیلیکٹ کریں۔
اب شیڈول میسج کے لیے وقت اور تاریخ کا انتخاب کریں اور پھر نیکسٹ دبائیں، اس کے بعد ‘ایڈ ایکشن’ سلیکٹ کریں اور پھر ‘ٹیکسٹ’ آپشن بھی سیلیکٹ کرلیں۔
اب اپنا پیغام لکھیں اور پھر نیچے موجود ‘+’ کا نشان دبائیں۔
واٹس ایپ سیلیکٹ کریں، اور ایکشنز لِسٹ میں سے ‘واٹس ایپ کے ذریعے میسج بھیجیں’ کا آپشن سیلیکٹ کر لیں۔
جس کو میسج بھیجنا ہو اس کا نمبر درج کریں اور نیکسٹ دبائیں، اب تمام تفصیلات پر نگاہ دوڑائیں اور ‘done’ سیلیکٹ کر لیں۔
