پاکستان میں کرونا وائرس کے متاثرین کی تعداد 36 ہزار سے بڑھ گئی۔

• دنیا بھر میں کورونا وائرس سے متاثرہ افراد کی تعداد 43 لاکھ سے بڑھ گئی ہے جبکہ دو لاکھ 97 ہزار سے زائد افراد اس سے ہلاک ہو چکے ہیں۔
• پاکستان میں متاثرین کی تعداد 36 ہزار سے بڑھ گئی ہے جبکہ 770 افراد اس مرض سے ہلاک ہوئے ہیں۔ پاکستان میں سب سے زیادہ 275 ہلاکتیں صوبہ خیبر پختونخوا میں ہوئی ہیں۔
• عالمی ادارہِ صحت (ڈبلیو ایچ او) نے خبردار کیا ہے کہ ہو سکتا ہے کہ کووڈ 19 کبھی بھی ختم نہ ہو۔ ان کا کہنا تھا: ’ایچ آئی وی بھی ختم نہیں ہوا ہے مگر ہم نے اس وائرس کا مقابلہ کرنا سیکھ لیا ہے۔‘
• امریکہ نے کہا ہے کہ وہ سینٹ پیٹرزبرگ کے ہسپتال میں آگ لگنے کی انکوائری مکمل ہونے تک وہ روسی وینٹیلیٹرز استعمال نہیں کرے گا جن پر شبہ ہے کہ ان سے آگ لگی تھی۔
• امریکہ کی تین بڑی ایئر لائنز نے اپنے عملے کو کہا ہے کہ وہ اس پالیسی کا اطلاق نہ کریں جس کے تحت مسافروں پر لازم ہوگا کہ وہ طیاروں پر سفر کے دوران ماسک پہننیں۔
• برطانیہ کی وزارتِ صحت کا کہنا ہے کہ برطانیہ کے ہسپتالوں اور دیگر جگہوں پر کورونا وائرس سے ہلاک ہونے والوں کی تعداد 33 ہزار 186 ہو گئی ہے۔
• یورپی یونین کے ایک اعلیٰ عہدیدار نے سرحدوں پر بتدریج کنٹرول ہٹانے کی تجویز دی ہے تاکہ کورونا وائرس کی وبا سے زیادہ متاثر ہونے والی سیاحت کی انڈسٹری کو دوبارہ شروع کیا جا سکے۔
• پاکستان کے صوبہ پنجاب کے محکمہ پرائمری اینڈ سیکنڈری ہیلتھ کیئر نے لاک ڈاؤن میں نرمی کے پیش نظر جم اور ہیلتھ کلبز، حجام کی دکانوں اور سیلونز کے لیے معیاری طریقہ کار (ایس او پی) جاری کر دیے ہیں۔